Jer 12 | Ndebele | STEP | Ulungile wena N kosi , lapho ngiphikisana lawe; kanti ngizakhuluma lawe nge zahlulelo zakho. Kungani indlela yabakhohlakeleyo iphumelela? Kungani behlezi kuhle bonke abenza inkohliso ngenkohliso?

1 Ulungile wena Nkosi, ^a lapho ngiphikisana lawe; kanti ngizakhuluma lawe ngezahlulelo zakho. ^b Kungani indlela yabakhohlakeleyo iphumelela? ^c Kungani behlezi kuhle ^d bonke abenza inkohliso ngenkohliso? ^e 2 Ubahlanyele, yebo, bagxilile impande; bayaqhubeka, yebo, bathele izithelo; useduze emlonyeni wabo, ^f kanti ukhatshana lezinso zabo. 3 Kodwa wena, Nkosi, uyangazi, ^g ungibonile, wahlola inhliziyo yami ngakuwe. ^h Bahudule ⁱ njengezimvu zokuhlatshwa, ^j ubehlukanisele ^k usuku lokuhlatshwa. ^l 4 Koze kube nini ilizwe lilila, ^m lohlaza lweganga lonke lubuna? Ngenxa yobubi babakhileyo kulo ⁿ izinyamazana lenyoni ziyabhubha; ^o ngoba bathi: Kayiyikubona isiphetho sethu.

5 Uba ugijime labezinyawo, bakudinisa, pho, ungancintisana njani lamabhiza? ^p Uba uthembela elizweni elilokuthula, pho, uzakwenza njani ekukhukhumaleni kweJordani? ^q 6 Ngoba ngitsho abafowenu lendlu kayihlo, ^r ngitsho labo bakuphatha ngenkohliso, ^s yebo, bona bayamemeza emva kwakho ngokugcweleyo; ungabakholwa, ^t loba bekhuluma izinto ezinhle kuwe.

Usizi lweNkosi

7 Ngiyidelile indlu yami, ngilitshiyile ilifa lami; ^u nginikele othandiweyo womphefumulo wami esandleni sezitha zakhe. 8 Ilifa lami kimi linjengesilwane ehlathini; ^v lingiphumisele ilizwi; ngakho-ke ngilizondile. 9 Ilifa lami kimi linjengenyoni elamabalabala edla inyama, ^w inyoni ezidla inyama ziyihanqile zimelene layo; ^x wozani, libuthe zonke izilo zeganga, lizilethe ukuthi zidle. ^y 10 Abelusi abanengi basichithile ^z isivini sami, ^aa banyathelele phansi isabelo sami, ^ab basenzile isabelo sami esiloyisekayo saba yinkangala elunxiwa. 11 Basenze saba lunxiwa, sililela kimi ^ac silunxiwa; ilizwe lonke lilunxiwa, ngoba kakulamuntu okubeka enhliziyweni. ^ad 12 Abachithi bafikile phezu kwawo wonke amadundulu enkangala; ngoba inkemba yeNkosi izakudla kusukela komunye umkhawulo welizwe kusiya komunye umkhawulo welizwe; kakulakuthula kuyo yonke inyama. 13 Bahlanyele ingqoloyi, kodwa bazavuna ameva; ^ae bazihluphe, kabayikuzuza; ^af njalo lizakuba lenhloni ngezivuno zenu, ^ag ngenxa yokuvutha kolaka lweNkosi. ^ah

14 Itsho njalo iNkosi: Mayelana labo bonke omakhelwane bami ababi ^ai abathinta ilifa ^aj engenze isizwe sami uIsrayeli ukuthi sidle ilifa lalo: ^ak Khangela, ngizabasiphuna elizweni labo, ngiyisiphune indlu yakoJuda isuke phakathi kwabo. 15 Kuzakuthi-ke emva kokubasiphuna kwami, ngizabuya ^al ngibe lesihawu kubo, ^am ngibabuyise, ^{an
,} ^ao kube ngulowo lalowo elifeni lakhe, langulowo lalowo elizweni lakhe. 16 Kuzakuthi-ke uba bezazifunda ngokukhuthala izindlela zabantu bami, ukuthi bafunge ngebizo lami bathi: Kuphila kukaJehova; ^ap njengalokho bafundisa abantu bami ukufunga ngoBhali, khona bezakwakhiwa phakathi kwabantu bami. ^aq 17 Kodwa uba bengalaleli, ngizasisiphuna lesosizwe, ngisisiphune ngisibhubhise, ^ar itsho iNkosi.